الجمعة 2021/12/03
أسعار العملات
  • اسعار العملات مقابل الشيكل
ارسل خبر اتصل بنا

15 غلطة بتعمليها مع البنطلون الجينز

الخميس 04 نوفمبر 2021 09:05 ص بتوقيت القدس المحتلة

E8D4F8AC-C91B-4409-8DFD-504BBE75849A
حديث اليوم
ليفي شتراوس هو صاحب فكرة البنطلون الجينز سنة 1971 ، ومن الوقت لحد يومنا ده ، البنطلون الجينز مر بمراحل تطور كتير ، وبقى قطعة اساسية في حياة كل شخص تقريبا في كل انحاء العالم ، وغالبا هنلاقي في دولاب كل واحد فينا مش اقل من 2 – 3 بنطلونات جينز بستايلات مختلفة ، والنهاردة من خلال موضوعنا هنتعرف على غلطات بنعملها مع البنطلون الجينز ، اعرفيها معانا وتجنبيها.

غلطات بنعملها مع البنطلون الجينز:

1- تنسيق قطعتين جينز بنفس اللون:

موضة تنسيق ستايل كامل بالجينز رجعت تاني ، يعني تقدري تلبسي بنطلون جينز وتنسقي معاه قميص جينز او جاكيت جينز ، لكن ضروري انك تاخدي بالك ان القطعتين ميبقوش لون واحد ، اختاري قطعتين بالوان مختلفة ده هيعمل تباين وهيظهر مظهرك احلى.

غلطات بنعملها مع البنطلون الجينز غلطات بنعملها مع البنطلون الجينز

2- جينز برجل مستقيمة بطول غلط:

الجينز اللي برجل مستقيمة تقريبا عنصر اساسي في دولابنا ، ولكن لازم تعرفي ان الستايل ده من الجينز طوله يبقى لحد الكاحل بس ، لان الرجل الطويلة اوي هتبين الساقين اضخم.

غلطات بنعملها مع البنطلون الجينز

3- تنية الرجل مش متساوية:

تنية الجينز بتبقى حلوة لو الرجل طويلة اوي وعايزة تقصريها بالتنية ، او لو حابه تغيري في شكل البنطلون وتعملي لوك مختلف ، لكن لازم التنية تكون متساوية وشكلها مرتب ، وبننصحك تستخدمي صوباعك الابهام عشان تقيسي التنية للرجلين الاتنين وتخليهم

متساويين.

غلطات بنعملها مع البنطلون الجينز


.

4- الارتفاع الغلط:

ارتفاع البنطلون هو المسافة من وسط البنطلون لمنطقة التماس الساقين ، مهم لما تيجي تختاري الارتفاع تحطي في اعتبارك شكل جسمك, طول الجذع ، على سبيل المثال ، لو انتي جذعك طويل اختاري جينز بوسط عالي مناسب بحيث ميكونش عامل انتفاخ بين الساقين وتكوني مرتاحة وانتي لابساه.

غلطات بنعملها مع البنطلون الجينز

5- البوت الضيق:

اول حاجة لازم تعرفيها انك لازم تختاري جينز ضيق لو هتدخليه جوه الشوز ، لان الستايل الواسع ممكن يعمل تنيات مش حلوة عند الركبتين وهيضايقك في اللبس ، تاني حاجة اختاري البوت اللي رجله عريضة.

غلطات بنعملها مع البنطلون الجينز

6- الجينز جوه الانكل بوت:

رجل البنطلون المفروض متبقاش متداخلة مع رقبة الانكل بوت او البوت القصير ، الافضل ان الجينز ينتهي ب 0.4 – 0.8 سم للجزء العلوي من الشوز.

غلطات بنعملها مع البنطلون الجينز

7- بنطلون جينز بوسط متوسط فوق الخصر:

لو عندك جينز الوسط بتاعه بارتفاع متوسط ، اتأكدي انك متسحبيهوش لحد السره ويبقى مغطيها ، لان ده هيعمل تنيات شكلها مش حلو بين الساقين.

غلطات بنعملها مع البنطلون الجينز

8- ستايل مش مناسب لشكل جسمك:

المفروض ماتمشيش ورا الموضة بشكل اعمى ، لازم تحطي في اعتبارك خصوصيات شكل جسمك ، على سبيل المثال ، الجينز الضيق من فوق ونازل على واسع عند الركبتين ، مش مناسب للبنات المليانين القصيرين ، ولكن هيبقى افضل مع البنات الطوال والرفيعين.

9- الجينز منخفض للوركين:

لو نزلتي الجينز متوسط الارتفاع للوركين ، هتعملي لوك عصري كاجوال oversize ، ولكن لو انتي مش طويلة اللوك ده هيطلع شكله مش حلو تجنبيه.

10- الجينز الضيق الطويل اوي:

الجينز القصير فوق الكاحل ده الستايل التريندي حاليا ، والجينز الضيق الطويل المتني بقى حاليا موضته قديمة شوية.

11- جينز منخفض الارتفاع مع بلوزة قصيرة:

و هتلبسي من فوق توب قصير الافضل تنسقيه مع جينز بوسط عالي ، واتجنبي الوسط المنخفض.

12- جينز flared بطول غلط:

الطول المناسب للجينز المستقيم هو 0.5 فوق الارض ، لان الرجل القصيرة ممكن تبين الرجل ممتلئة اكتر ، والطويلة اوي هتبقى نازلة على الارض.

13- جينز مقاسة كبير:

لما بنيجي نشتري الجينز غالبا بنبقى محتارين بين مقاسين ، ومصممين الازياء بينصحوا انك الافضل تختاري المقاس الاصغر ، لان الجينز مع اللبس والغسيل مقاسه بيكبر ويتمدد.

14- الجيوب الخلفية مش مظبوطة:

شكل ومكان الجيوب الخلفية ممكن يغير شكل الجسم اكتر ما انتي متخيلة ، الجيوب الواسعة هتخلي الوركين يبانوا اعرض ، والجيوب اللي خياطتها محبوكة اوي هتدي طول للساقين ، وهتبين شكل الجسم ممتليء اكتر.

15- الجينز السكيني من غير حزام:

على الرغم ان البنطلون السكيني مبقاش موضة زي من خمس سنين ، ولكن ما زال تقدري تلبسيه ، ولكن ممكن تغيري في شكله وتلبسي معاه حزام عشان تديه لوك عصري ، لان الاحزمة من الحاجات التريندي جدا في 2021.

هيئة التحرير

طاقم التحرير في موقع حديث اليوم

فريق عمل حديث اليوم مكون من عدد كبير من المتخصصين والصحفيين في كتابة الاخبار السياسية والاقتصادية و الرياضية و التكنولوجية والطب والعلوم والمواضيع الحصرية .